CROSSROAD MINISTRIES

 

Liewe gemeente,  soos beloof, weer 'n berig rondom die evangeliseringsafdeling van ons tronkbediening, wat u gebede dringend nodig het, vir die wonderwerkende genade van die Koning van die Kerk.

 

Baie van ons studente wat betrokke is by Crossroad Ministries en wat deur hulle studies en betrokkenheid gegroei het in hulle geloof en in hul liefde vir die Here, en uitsien om wanneer hulle vrygelaat word, 'n verskil in hulle families en gemeenskap te gaan maak.

 

Dit gebeur egter nie altyd in almal se geval, wat hulle gehoop en geglo het sal gebeur nie.  Hulle word met agterdog bejeën en beleef weereens verwerping en beland dikwels weer alleen en sonder heenkome op die straat.  Om 'n werk te kry met 'n kriminele rekord is amper onmoontlik.

 

Dit kan dan meewerk dat van hulle, wat met soveel geloofsmoed, hul vryheid tegemoet gegaan het, en nou op die straat beland, moed begin verloor en geleidelik weer terugsak in ou gewoontes terwille van oorlewing.

 

Ons doen 'n beroep op u om asb gereeld in u gebede aan hierdie broers en susters wat medegelowiges van ons is te dink en die Here te vertrou vir hulle beskerming en voorsiening.